Бидний нийгмийн хариуцлагийн хүрээнд явуулдаг үйл ажиллагаа
“Монгол Алт” компанийн хамт олон нь нийгмийн хариуцлагатай, тогтвортой, ёс зүйтэй үйл ажиллагааг үргэлж эрхэмлэнэ. Бидний алсын хараа чадварлаг, ёс суртахуунтай боловсон хүчнийг бэлдэж салбарын хөгжилд тууштай хувь нэмэр оруулахад оршино. Бид стратегийн түншлэл, тогтвортой хөгжлийн хөтөлбөрийн хүрээнд сайн дурын үйлсээр дамжуулан орон нутагт эерэг өөрчлөлтийг бий болгохын зэрэгцээ шинэ боловсон хүчнийг чадавхжуулах, орон нутгийн дэд бүтэц, эдийн засгийг дэмжих, ажиллах орчныг сайжруулах замаар тасралтгүй хөгжил дэвшлийг бүтээхээ амлаж байна.
Боловсрол
Манай хамт олон боловсролын салбарт хөрөнгө оруулалт хийж “Монгол Оюу” Ерөнхий боловсролын сургуулийг 2007 онд үүсгэн байгуулсан юм. Өнөөдөр тус сургууль ... багш, сурган хүмүүжүүлэгч, ... ажилтан, 340 гаруй сурагчтай өнөр хамт олон болон өргөжжээ. Дархан-Уул аймгийн элсэлтийн ерөнхий шалгалтын үзүүлэлтээр аймагтаа тэргүүлсээр 16 дахь жилдээ сургалтын үйл ажиллагааг амжилттай явуулж байна.
Эрүүл мэнд
Компанийн нийгмийн хариуцлагын хүрээнд ажиллагсдын ахуй нөхцөлийг сайжруулах, үр хүүхдүүдийн сурч боловсроход анхаарах, ахмад настнуудад халамж үйлчилгээ үзүүлэх зэрэг олон талт ажлуудад анхаарч ирлээ. Компанийн ажилчдын гэр бүлийг зуслангийн хашаа байшинтай болгож, амьдрах нөхцөлөө сайжруулах боломжоор тогтмол хангаж байна.
Спорт
Өсвөрийн залуу тамирчдыг дэмжих зорилгоор чөлөөт бөхийн “Хайрхан” спортын клубыг нээж дэмжин ажилласны үр дүнд тус клубын тамирчин манай байгууллагын ахмад ажилтан Төмөр, Оюун нарын хүү Т.Даваахуяг 2007 онд чөлөөт бөхийн “Дэлхийн залуучуудын аварга” болж, Улсын харцага Ө.Даваабаатар, Улсын начин Ч.Баянмөнх нарын алдар цуутай бөхчүүд төрөн гарсан билээ. Мөн олон улсын хэмжээний спортын мастер П.Өнөрбат, Д.Отгонцэцэг, дасгалжуулагч Ц.Баярсайхан нар “Лондон 2012” зуны олимпт улсаа төлөөлөн оролцсон билээ .
Орон нутгийн хамтын ажиллагаа
Компанийн нийгмийн хариуцлагын хүрээнд 200 гаруй өндөр настнуудыг жилд хоёр удаа хүлээн авч хүндэтгэл үзүүлэх, ахуй амьдралыг дэмжих ажлыг тогтмол зохион байгуулж байна.
